హస్తసాముద్రికం 

మానవుని అవయవాల పొందికను, తీరును బట్టి అతని జీవితాన్ని చదవవచ్చు. తెలుసుకోవచ్చు. దీనిలో హస్త సాముద్రికం ఒక విశిష్ట విద్య. జ్యోతిష్యంలో సాముద్రిక శాస్త్రం కూడా ఒక భాగం. సాముద్రికంలో వేళ్ళ అమరిక మనిషి మనస్తత్వాన్ని తెలియజేస్తుంది.

చేతిలో గీతలు అందరికీ ఒకే విధంగా ఉంటాయని కొందరు అనుకుంటారు. అది నిజం కాదు. చూడటానికి ఒకేరకంగా ఉన్న మనుషుల్ల్లో కూడా హస్తరేఖలు ఒకేలా ఉండవు. వేళ్ళ అమరికలోనూ, ఆకారంలోనూ, చర్మపు తీరులోనూ, గోళ్ళ తీరులోనూ, కణుపుల తీరులోనూ మనిషికీ మనిషికీ మధ్య చాలా తేడాలుంటాయి. ఇక గ్రహస్థానాలు, రేఖలు, ప్రత్యేకమైన గుర్తులు ఇలా ప్రతి విషయంలోనూ తేడాలుంటాయి.

మానవుని శరీరంలోని ప్రతి అవయవమూ మనిషి యొక్క మనస్తత్వాన్నీ, ఆలోచనా సరళినీ, అలవాట్లనూ పట్టిస్తుంది. అలాగే హస్తరేఖలు కూడా మనిషిని గురించి సమస్తమూ వెల్లడిస్తాయి. జాతకచక్రం ఎంతో మనిషి అర చేయి ప్రింటూ అంతే. ఇవి రెండూ రెండు రకాల భాషలు అనుకుంటే, అవి చెప్పే విషయం మాత్రం ఒకటే ఉంటుంది. మనిషి ఆలోచనల ప్రభావం నాడుల ద్వారా హస్త రేఖలను మారుస్తూ ఉంటుంది.

మనిషి ఆలోచనలు అతని శరీరాన్ని ప్రభావితం చేస్తాయి. అలాగే, చేతి రేఖలనూ ప్రభావితం చేస్తాయి. అందుకే మన ఆలోచనా ధోరణి మారుతున్న వయస్సులో చేతి రేఖలూ మారుతాయి. పాత రేఖలు మాయం అవుతాయి. కొన్ని కొత్త రేఖలు పుట్టుకొస్తాయి. ఇది ఎవరి చేతిలో వారే గమనించుకోవచ్చు. ఈ విషయం శాస్త్రాల్లో కూడా పొందుపర్చారు.

అంగుష్ఠవిద్య అని దీనిలో సూపర్ స్పెషలైజేషన్ ఒకటుంది. అందులో అయితే చేతిరేఖలను కూడా పరిశీలించరు. ఒక్క బొటనవేలి మీద ఉన్న గీతలనుబట్టి ఆ వ్యక్తి యొక్క జీవితం మొత్తాన్నే చదివేస్తారు. ఈ విద్యలో రావణుడు అఖండమైన ప్రజ్ఞాశక్తి కలిగినవాడని అంటారు. ఆయన రాసిన ‘రావణసంహిత’ అనే గ్రంధంలో ఈ వివరాలు ఉన్నాయి. ఇలా అనేకానేక అద్భుత విద్యలు మన దేశంలో ఉండేవి. అవన్నీ కాలక్రమేణా కనుమరుగు అయ్యాయి. ఇప్పుడిప్పుడే మళ్ళీ ఇవన్నీ పునరుజ్జీవనాన్ని చవిచూస్తున్నాయి.

ఇక హస్తసాముద్రికంలో వ్యక్తి అరచేతిని అర్థం చేసుకొని అతని వ్యక్తిత్వం, భవిష్యత్ గురించి విశ్లేషించే విధానం ఉంటుంది. హృదయ రేఖలు, జీవన రేఖలతో పాటు  కొన్ని ఆచారాల్లో, హస్తసాముద్రికులు వేళ్లు, వేలుగోళ్లు, వేలు ముద్రలు, చేతి చర్మపు నమూనాలు, చర్మపు నిర్మాణం, రంగు, అరచేయి ఆకారం, చేతి సౌకర్యాలను కూడా పరిశోధిస్తారు.

హస్తసాముద్రికులు చేతిలోని పలు లక్షణాలను పరీక్షిస్తారు, వీటిలో అరచేయి, వేళ్లపై ఆకారాలు, రేఖలు; చర్మం, వేలుగోళ్లు వాటి రంగు, నిర్మాణం; అరచేయి వాటి సంబంధిత పరిమాణాలు; మెటికల ప్రాముఖ్యత ఇంకా చేతి యొక్క పలు ఇతర లక్షణాలు ఉంటాయి.

హస్త సాముద్రకము గురించి మరిన్ని విశేషాలు మళ్లీ తెలుసుకుందాం.