వృషభ లగ్నమున జ‌న్మించిన వారు గుణవంతులు-ధనవంతులు. గురు భక్తి కలవారు. ఈ జాత‌కులు ధైర్యశాలిగాను, శౌర్యవంతుడుగాను ఉండును. ఈ జాతకునకు గురు, శుక్ర, చంద్రులు పాపులు అగుదురు. రవి, శనులు శుభులు శని రాజయోగకారకుడు. గురునకు మారక లక్షణములున్నాయి.

సూర్యుడు వృషభరాశికి చతుర్ధాధిపత్యం వహిస్తాడు. కేంద్రాధిపతి కనుక సూర్యుడు వృషభ లగ్నానికి శుభంగా మారే గ్రహమై మంచి ఫలితాలను అందిస్తాడు. లగ్నస్థ సూర్యుడు వ్యక్తికి ప్రకాశవంతమైన ముఖ వర్చస్సు, ఉత్సాహం అందిస్తాడు. మంచి వాక్చ‌తుర్యం వీరి సొంతం.  ఆకర్షణీయమైన వీరి మాటలు ఇతరుల మీద ప్రభావం చూపుతాయి. వ్యవసాయం, వ్యాపారం, ఉద్యోగం వీరికి అనుకూలమే. పంచమాధిపతి లగ్నంలో ఉండ‌టంతో సంతానంతో సత్సంబంధాలు ఉంటాయి. ఆత్మ‌విశ్వాసం అధికం. సూర్యుడి పూర్ణదృష్టి సప్తమ స్థానం మిత్ర స్థానం అయిన వృశ్చిక లగ్నం మీద ఉంటుంది కనుక జీవిత భాగస్వామి సహాయ సహకారాలు అందుకుంటారు. భాగస్వాముల, మిత్రులతో సత్సంబంధాలు ఉంటాయి. భాగస్వాములతో ఉద్రేక పూరిత వాతావరణం ఏర్పడినా విశ్వాస పాత్రులుగా ఉండి సహాయ సహకారాలు అందిస్తారు.

వృషభ లగ్నానికి చంద్రుడు తృతీయాధిపతి. అయితే చంద్రుడు వృషభంలో ఉచ్ఛస్థితిని పొంద‌డంతో చంద్రుడు వృషభ లగ్న జాతకులకు మంచి ఫలితాలు ఇస్తాడు. లగ్నస్థ చంద్రుడు వీరికి అందమైన శరీరాన్ని ఇస్తాడు. జల కారకుడైన శుక్రుడు ఆధిపత్యం వహించే వృషభ లగ్నంలో శీతల స్వభావం ఉన్న చంద్రుడు ఉన్నందున శీతల ప్రకృతి కలిగిన శరీరం కలిగి ఉంటారు. వీరికి జలుబు, దగ్గు, ఆయాస సంబంధిత వ్యాధులు రావచ్చు. ఈ జాత‌కులు గుణవంతులుగా, దయాస్వభావులుగా ఉంటారు. విలాసవంతమైన జీవిత‌మంటే ఇష్ట‌ప‌డ‌తారు. తల్లితో సత్సంబంధాలు ఉంటాయి. మాతృవర్గ బంధువులతో సత్సంబంధాలు కొన‌సాగుతాయి. తల్లిదండ్రుల సహాయ సహకారాలు అందుకుంటారు. కళలంటే ఆసక్తి ఎక్కువ. కల్పనా శక్తి అధికం. జలం, నౌకా ప్రయాణం, జల ప్రదేశాలు వీరిని ఆక‌ట్టుకుంటాయి. వీరికి కళాభిమానం ఎక్కువ. కళారంగ సంబంధ వృత్తులలో వీరు రాణిస్తారు.చంద్రుడి పూర్ణ దృష్టి సప్తమస్థానం.. మిత్ర స్థానమైన వృశ్చికం మీద సారిస్తాడు.. కనుక వీరికి అందమైన జీవిత భాగస్వామి లభిస్తుంది. జీవిత భాస్వామి సహాయ సహకారాలు అందుకుంటారు.

వృషభ లగ్నానికి కుజుడు సప్తమ, ద్వాదశాధిపతి. కేంద్రాధిపత్యం వహిస్తాడు కనుక కుజుడు వీరికి కారక గ్రహమై మంచి ఫలితాలు ఇస్తాడు. వృషభ లగ్నంలో లగ్నాధిపతిగా కుజుడు ఉండ‌టంతో వ్యక్తి ఆకర్షణీయమైన, శ‌క్తివంత‌మైన శరీరం క‌లిగి ఉంటారు. విలాసవంతమైన జీవితం అంటే ఇష్ట‌ప‌డ‌తారు. కోప స్వభావం ఉంటుంది. వ్యవసాయ రంగం మీద మక్కువ చూపుతారు. భూములు కొనుగోలు చేయడం పట్ల ఆసక్తి చూపుతారు. సాహసవంతమైన వృత్తులలో రాణిస్తారు. వ్యాపారంలో రాణించడం కష్టం. రక్షణ వ్యవస్థలో ఉద్యోగం చేయడం పట్ల ఆసక్తి చూపుతారు. లగ్నస్థ కుజుడు చతుర్ధ దృష్టిని మిత్ర స్థానం సింహం మీద ప్రసరిస్తాడు కనుక తల్లి నుంచి సహాయ సహకారాలు అందుకుంటారు. తల్లి కోపస్వభావం కలిగి ఉంటుంది. లగ్నస్థ కుజుని సప్తమ దృష్టిని వృశ్చికం మీద ప్రసరిస్తాడు కనుక కోపస్వభావం కలిగిన జీవిత భాగస్వామి లభిస్తుంది. జీవితభాగ‌స్వామి సహాయ సహకారాలు అందుకుంటారు. అయితే జీవిత భాగస్వామితో అభిప్రాయ బేధాలు ఉంటాయి. వైవాహిక జీవితంలో సమస్యలు ఏర్ప‌డుతాయి. లగ్నస్థ కుజుని అష్టమస్థాన దృష్టి మిత్ర్ స్థానమైన ధనస్సు మీద ప్రసరిస్తాడు… కనుక ఆరోగ్య సమస్యలు తక్కువగా ఉంటాయి. భాగస్వాములతో వీరికి అభిప్రాయ బేధాలు వ‌స్తుంటాయి. భాగస్వామ్యం వీరికి సాధారణంగా ఉంటుంది.

వృషభ లగ్నానికి బుధుడు ధనాధిపత్యం, పంచమాధిపత్యం వహిస్తాడు. త్రికోణాధిపతి లగ్నస్తుడు అవ్వ‌డంతో బుధుడు వృషభ లగ్నానికి కారక గ్రహమై మంచి ఫలితాలు అందిస్తాడు. లగ్నస్థ బుధుని కారణంగా వ్యక్తి బుద్ధికుశలత, సాహసం కలిగి ఉంటాడు. ఈ జాత‌కుల‌కు వ్యాపారం అనుకూలిస్తుంది. ధైర్యస‌హ‌సాలు వీరికి అధికం. సొంత నిర్ణయాలు తీసుకుని మనోబలంతో విజయం సాధిస్తారు. సాహసవంతమైన వృత్తులను స్వీకరించి నైపుణ్యం చూపించగలరు. శిక్షణకు సంబంధించిన ఉపాధ్యాయ వృత్తిలో రాణిస్తారు. బుధుని పూర్ణ దృష్టి సప్తమ స్థానం మిత్ర స్థానం అయిన వృషభం మీద ఉంటుంది. కనుక బంధుమిత్రుల నుంచి సహాయం అందుతుంది. స్నేపూరితమైన అందమైన ప్రేమను చూపించే జీవితభాస్వామి లభిస్తుంది. జీవిత భాగస్వామి సహాయాలు అందుకుంటారు. భాగస్వామ్యం వీరికి అనుకూలం. వీరికి భాగస్వాములు స్నేహపూరిత సహకారం అందిస్తారు.

వృషభ లగ్నానికి గురువు అష్టమ, ఏకాదశ స్థానములకు ఆధిపత్యం వహిస్తాడు. లగ్నస్త గురువు ఆకర్షణీయమైన సౌందర్యం ఇస్తాడు.. కనుక వృషభలగ్నానికి  అకారక గ్రహమై చెడు ఫలితాలు ఇస్తాడు. లగ్నస్థ గురువు వ్యక్తికి జ్ఞానం, సుగుణం ఇస్తాడు. ఆత్మబలం, ఆత్మవిశ్వాసం ఇస్తాడు. ఈ జాత‌కులు ఉద్యోగాల‌లో రాణిస్తారు. ధర్మగుణం, దయాగుణం కలిగి ఉంటారు. ధర్మకార్యాల పట్ల ఆసక్తులై ఉంటారు. గురువు పంచమ దృష్టి కన్యారాశి మీద ప్రసరిస్తాడు కనుక బుద్ధి కుశలత కలిగి సహాయ సహకారాలు అందించి గౌరాభిమానం చూపించే సంతానం కలిగి ఉంటాడు. లగ్నస్థ గురువు సప్తమ స్థానమైన వృశ్చికం మీద ప్రసరిస్తాడు కనుక గురువు మిత్రస్థాన దృష్టి జ్ఞానం కలిగిన గౌరవ అభిమానం చూపించి సహాయసహకారాలు చూపించే జీవిత భాగస్వామి లభిస్తుంది. గురువు నవమ స్థాన దృష్టి మకరం మీద ప్రసరిస్తాడు కనుక తండ్రితో సాధారణ సంబంధాలు ఉంటాయి.

వృషభ లగ్నానికి శుక్రుడు లగ్నాధిపతిష్టమాధిపతి. లగ్నాధిపతిగా శుక్రుడు కారక గ్రహమై మంచి ఫలితాన్ని ఇస్తాడు. లగ్నాధిపతిగా శుక్రుడు అందమైన శరీరం ఇస్తాడు. అరోగ్యపరమైన సమస్యలు ఉంటాయి. జలుబు, దగ్గు, ఆయాసం లాంటి వ్యాధులు ఉంటాయి. మనోబలం అధికం. జనాకర్షణ కలిగిఉంటారు. కళారంలో వీరు ప్రతిభ చూపగలరు. కళాసంబంధిత వృత్తులలో రాణిస్తారు. వలాసవంతమైన జీవితం పట్ల ఆసక్తి చూపుతారు. సుఖజీవితం కొరకు ఎక్కువగాఖర్చు చేస్తారు. సుగంధ ద్రవ్యాలు, సౌందర్య సాధనాలకు సంబంధించిన వృత్తి వ్యాపారాలను చేపడతారు. ఆర్ధిక పరిస్థితిబాదా ఉంటుండీ. ధనార్జన బాగా చేస్తారు. లగ్నస్థ శుక్రుడు పూర్ణ దృష్టిని సప్తమ స్థానం అయిన వృశ్చికం మీద సారిస్తాడు కనుక జీవిత భాగస్వామి విలాసాల వైపు మొగ్గు చూపే అవకాశం ఉంది కోపస్వభావం కలిగిన అందమైన ప్రేమించే జీవిత భాగస్వామి లభిస్తుంది. వైవాహిక జీవిత సుఖం సాదారణం. మిత్రులు, భాగస్వాములు ఉద్రేక పూరిత గుణం కలిగి ఉంటారు. భాగస్వామ్యం వీరికి సాదారణ ఫలితాన్ని ఇస్తుంది.

వృషభ లగ్నానికి శని నవమ, దశమ స్థానాధిపత్యం వహిస్తాడు. ధర్మకర్మాధిపత్యం చేసే శని మిత్ర స్థానమైన వృషభ లగ్నానికి శుభుడై మంచి ఫలితాలు అందిస్తాడు. శని లగ్నాధిపత్యం వలన సన్నని ఆకర్షణీయమైన శరీరం కలిగి ఉంటాడు. శ్రమించి ఉన్నత కార్యసాధన చేస్తాడు. ఆర్ధిక స్థితి సాధారణం. తల్లితో వీరికి సఖ్యత సాధారణం. సోదరులతో అంత‌గా సఖ్యత ఉండదు. కఠిన స్వభావం కారణంగా ఇతరుల అసహనానికి గురవుతారు. శని తృతీయ దృష్టి కారణంగా సోదరులతో అభిప్రాయ బేధాలు ఉంటాయి. సోదరుల సహాయ సహకారం ఉండదు. లగ్నష శని పూర్ణ దృష్టి సప్తమ స్థానమైన వృశ్చికం మీద ప్రసరిస్తాడు కనుక పరుష వాక్కులు పలికి క్రోధ స్వభావం కలిగి, శ్రమించే గుణం కలిగిన జీవిత భాగస్వామి లభిస్తుంది. జీవిత భాగస్వామి సహాయసహకారాలు అందవు. భాగస్వామ్యం వీరికి అనుకూలించదు. భాగస్వాముల సహకారం లభించదు. మిత్రుల సహకారం ఉండదు. లగ్నస్త శని నవమ స్థాన దృష్టి కారణంగా తండ్రితో సత్సంబంధాలు ఉండవు. తల్లిదండ్రుల ప్రేమాభిమానాలకు, సహాయసహకారాలకు దూర‌మ‌వుతారు.

వృషభ లగ్నస్థ రాహువు వ్యక్తికి రోగరహిత శరీరాన్ని ఇస్తాడు. రాహువు సప్తమ దృష్టి కారణంగా వైవాహిక జీవితం కాస్త స‌మ‌స్య‌గా మారుతుంది. జీవిత భాగస్వామితో అభిప్రాయ బేధాలు ఉంటాయి. వైవాహిక జీవితంలో సుఖం ఉండదు. జీవిత భాగస్వామికి ఆరోగ్య సమస్యలు ఉంటాయి.

వృషభ లగ్నస్థ కేతువు వ్యక్తికి ఆరోగ్య సమస్యలు ఇస్తాడు. స్త్రీ పురుషుల మద్య ఆకర్షణ ఉంటుంది. వివాహేతర సంబంధాల వలన వైవాహిక జీవితంలో సమస్యలు ఎదుర‌య్యే అవ‌కాశం.