Monthly Archives: January 2013
Mesham—Aries
మేషం-2017-18
Vrishabham—Taurus
వృషభం – 2017-18
Mithunam—Gemini
మిధునం – 2017-2018
Karkatakam—Cancer
కర్కాటకం-2017-2018
Simham—Leo
సింహం 2016 – 17
మఖ.1,2,3,4.పాదములు.
పుబ్బ.1,2,3,4.పాదములు.
ఉత్తర.1.పాదము.
ఆదాయం – 11, వ్యయం 5, రాజపూజ్యం 6, అవమానం 3.
ఆగస్టు 11, 2016 వరకు గురుడు ఒకటవ ఇంట సువర్ణమూర్తిగాను, తదుపరి సంవత్సరమంతా రెండో ఇంట లోహమూర్తిగా సంచరించును. జనవరి 26, 2017 వరకు శని నాలుగవ ఇంట తామ్రమూర్తి, తదుపరి ఐదవ ఇంట రజితమూర్తిగా సంచరించును. రాహువు ఒకట ఇంట, కేతువు ఏడవ ఇంట రజితమూర్తులు.
ఈ సంవత్సరం అధికమైన దేహశ్రమ, నేత్రపీడ, మానసికంగా బాధలతోనూ, అపనిందలతోనూ ఉందురు. ఊహించని సంఘటనలు జరుగును. కొన్ని సమస్యల నుంచి బయటపడటానికి బంధుమిత్రుల సహాయం తప్పకపోవచ్చును. కోపాన్ని తగ్గించుకోవడం మంచిది.
ఈ సంవత్సరం ఉద్యోగస్తులకు ఇబ్బందికరమైన సమయం. దూర ప్రాంత బదిలీలు వెళ్లుట, పై అధికారులచే మాట పడుట, సస్పెండు అవుట జరగవచ్చును. అనారోగ్యం వల్లగాని, లేదా పై అధికారుల ఒత్తిడి వల్లకాని, వీఆర్ఎస్ తీసుకోవాలన్న కోరిక కలుగును. నిరుద్యోగులకు కూడా అంత ఆశాజనకంగా లేదు.
రాజకీయ నాయకులకు గురు, శనిల బలం లేకపోవడం వల్ల ప్రజల్లో నమ్మకం తగ్గును. అంతేగాక కొన్ని నింద ఆరోపణలు ఎదుర్కొనవలసి వచ్చును. పదవులు కూడా పొందే అవకాశం కలగదు. ఉన్న పదవులకు కూడా ఇబ్బందులు ఎదురుకావచ్చును.
వ్యాపారస్తులు ఈ సంవత్సరం మిశ్రమ ఫలితాలు పొందుదురు. కొన్ని రకముల వ్యాపారములు మాత్రమే బాగుండును. నూతన కాంట్రాక్టులు చేయువారికి ఆ పనులు అనుకూలించవు. ప్రభుత్వ కాంట్రాక్టులకు బిల్లులు తొందరగా అవ్వవు. రియల్ ఎస్టేట్ వారికి బాగానే వుండును.
సినిమా, టీవీ, నాటక రంగముల వారికి ఈ సంవత్సరం కొన్ని విజయాలు కలిగిననూ, సరైన గుర్తింపు లభించదు. వచ్చే అవకాశాలు పోయి ఆర్థిక ఇబ్బందుల్లో పడుదురు. అవార్డులు, రివార్డులు లభించడం కూడా చాలా కష్టమగును.
విద్యార్థులకు ఈ సంవత్సరం పరీక్షకాలమా అన్నట్టుగా ఉండును. చదువుకన్నా, చెడు వ్యసనములపై దృష్టి పెరుగును. తక్కువ మార్కులతో ఉత్తీర్ణత, ఎంట్రాన్స్ పరీక్షల్లో ర్యాంకులు పొందలేకపోవుట. అనుకున్న చోట్ల సీట్లు రాకుండా ఇబ్బందులు పడుదురు.
ఈ సంవత్సరం వ్యవసాయ రంగం వారికి రెండో పంట మాత్రమే లాభించును. అప్పుల బాధలతో ఇబ్బందులు తప్పకపోవచ్చును. కౌలుదార్లకు కూడా అనుకున్నంత లాభము ఉండకపోవచ్చు. పౌల్డ్రీ రంగము, చేపలు, రొయ్యల చెరువులు నష్టములో ఉండును.
ఈ సంవత్సరం గురు, శనికి శాంతి చేయించుకోవలెను. శని యంత్రం ధరించుకోవలెను.
Kanya—Virgo
కన్య -2016-17
ఉత్తర.2,3,4. పాదములు.
హస్త.1,2,3,4.పాదములు.
చిత్త.1,2. పాదములు.
ఆదాయము – 14, వ్యయం 11, రాజపూజ్యం 2, అవమానం 6.
ఆగస్టు 11, 2016 వరకు గురుడు పన్నెండవ ఇంట తామ్రమూర్తిగాను, తదుపరి సంవత్సరమంతా ఒకటవ ఇంట తామ్రమూర్తిగాను సంచరించును. జనవరి 26, 2017 వరకు శని మూడవ ఇంట సువర్ణమూర్తిగాను తదుపరి సంవత్సరమంతా నాలుగవ ఇంట లోహమూర్తిగాను, రాహు పన్నెండవ ఇంట, కేతువు ఆరో ఇంట సువర్ణమూర్తులు.
ఈ సంవత్సరం వీరికి మిశ్రమ ఫలితాలు కలవు. ధనవ్యయం, గృహానికి సంబంధించిన మార్పులు, వ్యసనములు, అపనిందలు, భార్యభర్తల మధ్య పట్టింపులు, ఆదాయ సమస్యలు ఉండును.
కొంత మంది ఉద్యోగస్థులు ఏసీబీ దాడులు ఎదుర్కొందురు. ప్రభుత్వ ఉద్యోగులకు సామాన్యం. పై అధికారుల వల్ల రావాల్సిన ప్రమోషన్లు ఆగిపోవుట, పని ఒత్తిడి పెరుగుట ఉండగలదు. నిరుద్యోగులకు అనుకున్నంత అవకాశములు కలిసి రాకపోవచ్చును.
రాజకీయ నాయకులకు అనుకూలమైన కాలమైనప్పటికీ ఏదో సమస్య ఎదురుకావచ్చు. ప్రజల్లో గుర్తింపు తగ్గదు. ఆలస్యముగానైనా పదవి లభించగలదు.
ఈ సంవత్సరం వ్యాపారస్థులకు మిశ్రమ ఫలితములు కలవు. కిరాణ వ్యాపారములు బాగుండగలవు. ఫైనాన్స్ వ్యాపారములు, రియల్ ఎస్టేట్, జాయింట్ వ్యాపారములు నష్టంలో నడుచును.
సినిమా, టీవీ, నాటక రంగముల వారికి ఈ సంవత్సరం గుర్తింపు అంతగా లభించదు. నూతన నటీనటులకు కూడా అవకాశములు అంతంగా మాత్రమే ఉండును. ఆర్థిక ఇబ్బందులు ఎక్కువ అగును. ప్రభుత్వ గుర్తింపు లభించక అవార్డులు కూడా రావు.
విద్యార్థులకు ఈ సంవత్సరం మిశ్రమఫలితాలు ఉంటాయి. చదువుపై శ్రద్దతగ్గి ఇతర వ్యాపకాలపై దృష్టిపడును. గురు బలం లేకపోవటంచే అనుకున్న మార్కులు రాక ఉత్తీర్ణత శాతం తగ్గును. ఎంట్రాన్స్ పరీక్షల యందు కూడా ఫలితములు బాగుండవు. అనుకున్న చోట సీటు పొందలేకపోవచ్చు.
ఈ సంవత్సరం వ్యవసాయం రంగం వారికి.. మొదటి పంట నష్టం, రెండవ పంట సామాన్యముగా ఉండును. కౌలుదార్లు ఆర్థికంగా నష్టపోదురు. ఫౌల్డ్రీ, రొయ్యలు, చేపల చెరువుల వాళ్లకి అతి సామాన్య లాభములు ఉండును.
ఈ సంవత్సరం వీరు గురువుకు, రాహువుకు శాంతులు చేయించవలెను. గురు, రాహు యంత్రములు ధరించడం మంచిది.