Menu

జ్యోతిష్యము

Makaram– Lagnam- Grahamulu

మకర లగ్నస్థ గ్రహాలు
మకర రాశి జాత‌కులు గుండ్రని ముఖం కలిగి ఉంటారు. సన్నని బలహీనమైన దేహం కలిగి ఉంటారు. ఇతరుల ఆదరణను పొందే నేర్పు ఉంటుంది. తమ వ్యవహారములందుగాని, తాము చేయు వృత్తి, వ్యాపార‌ముల యందు ఇత‌రుల‌తో చక్కని చాతుర్యం కలిగి ప్రవర్తిస్తారు. ధన సంబంధమైన విష‌యాల్లో జాగ్రత్తగా ఉంటారు. మితంగా వ్యయం చేస్తూ పనులు చక్కబెట్టుకొవ‌డం వీరి స‌హ‌జ‌ స్వభావం. ప్రతిఫలం లేనిదే ఖర్చు పెట్టుట వీరికి గిట్టదు. కుటుంబ సభ్యులపై అనురాగం ఎక్కువ. వీరికి ప్రతి పనిలోను విఘ్నములు పొందుటకుగాని, ఆలస్యమగుట గాని జరుగును. వివాహ విషయంలో కొన్ని వివాదాలు ఎదురుకావ‌చ్చు.
మకర లగ్నస్థ గ్రహ ఫలితాలు
 
సూర్యుడు
మకర లగ్నానికి సూర్యుడు అష్టమాధిపతి. అష్టమాధిపతి లగ్నంలో ఉండడం వలన ఆరోగ్య సమస్యలు తలెత్తే అవకాశాలు ఉంటాయి. ఎముకల నొప్పి, ఉదర సంబంధ వ్యాధులు కలిగే అవకాశాలుంటాయి. నేత్ర వ్యాధులు కలుగుతాయి. సూర్యుడు తన శత్రు స్థానమున ఉండడం వ‌ల్ల‌ల వీరి జీవితంలో కొన్ని సంద‌ర్భాల్లో కఠిన స‌మ‌స్య‌లు ఎదుద్కోవాల్సి వస్తుంది. అలాంటి పరిస్థితుల్లో ఆత్మవిశ్వాసంతో, ప‌ట్టుద‌ల‌తో విజయం సాధించాల్సి ఉంటుంది. వివాహ జీవితంలో ఒడిదుడుకులు ఉంటాయి. వ్యాపారం చేయాలన్న కోరిక ఉద్యోగం చేయాలన్న ఆసక్తి కలగలుపుగా ఉంటాయి.
చంద్రుడు
మకర లగ్నంలో చంద్రుడు సప్తమాధిపతి. శత్రు రాశిలో లగ్నస్థ చంద్రుడు వ్యక్తికి సౌందర్యం ఇస్తాడు. అయితే, చంద్రుడు శత్రు స్థానంలో ఉండ‌టంతో వీరు విచిత్ర మనస్తత్వంతో క‌నిపిస్తారు. ఈ జాత‌కుల‌కు క‌ళ్లు, చెవుల వాటి వ్యాధులు ఏర్ప‌డ‌వ‌చ్చు. చంద్రుడు లగ్నం నుంచి సప్తమ స్థాన‌మును మీద దృష్టి పెట్ట‌డం వల్ల‌ జీవిత భాగస్వామి అందం, గుణం కలిగి ఉంటుంది. జీవిత భాగస్వామితో అన్యోన్యం అనుకూలత కలిగి ఉంటారు.
కుజుడు 
మకర లగ్నానికి కుజుడు సుఖాధిపతి, లాభాధిపతి. కుజుడు లగ్నంలో ఉంటే ఆ వ్యక్తి క్రోధ స్వభావం కలిగి ఉంటాడు. తండ్రి వైపు బంధువుల సహకారం లభిస్తుంది. తండ్రి వల్ల‌ పేరు, ప్రఖ్యాత‌లు వ‌స్తాయి. శని ప్రభావం కారణంగా తండ్రి వైపు ఆస్తులు త్యాగం చేయవలసిన పరిస్థితి సంభవించగలదు. లగ్నస్థ కుజుడు 4, 7, 8 స్థానాల మీద దృష్టి సారిస్తాడు. అందువ‌ల్ల‌ ధార్మికత ఉంటుంది. వైవాహిక‌ జీవితంలో కలతలు కలుగుతాయి. మకర లగ్నంలో కుజుడు ఉచ్చ స్థితి కారణంగా వ్యక్తి క్రోధ స్వభావం కలిగి ఉంటారు. తల్లి కూడా ఉద్రేక స్వభావం కలిగి ఉంటుంది.
 
బుధుడు 
మకర లగ్నానికి బుధుడు షష్టమాధిపతి, నవమాధిపతి. మకర లగ్నస్థ బుధుడు వ్యక్తికి జ్ఞానం, బుద్ధికుశలత కలిగి ఉంటాడు. ఈ జాత‌కులు దైవ భక్తి, దయా స్వభావం, కళాభిరుచి కలిగి ఉంటారు. సమాజంలో గౌరవ మర్యాదలు, ధనం ప్రాప్తిస్తాయి. సప్తమ స్థానం మీద, బుధ దృష్టి ఫలితంగా  జీవిత భాగస్వామి అందంగా సామర్ద్యశాలిగా ఉంటుంది. షష్టామాధిపతి దృష్టి  కారణంగా వైవాహిక జీవితంలో క‌ల‌హాలు ఏర్ప‌డి భార్యాభర్తల మధ్య విభేదాలు ఉంటాయి. సంతానం కలగడంలో జాప్యం క‌లిగే అవ‌కాశం.
 
గురువు 
మకర లగ్నానికి గురువు తృతీయ వ్యయ స్థానాలకు ఆధిపత్యం వహిస్తాడు. కనుక గురువు ఈ లగ్నానికి అకారక గ్రహం. లగ్నస్థ గురువు వ్యక్తికి జ్ఞానం, సుగుణం కలిగిస్తాడు. ఈ జాత‌కుల‌కు క్షమాగుణం ఎక్కువ‌. ఇతరుల కలతలు వీరిని ప్రభావితం చేస్తాయి కనుక కొన్ని సమస్యలను ఎదుర్కొంటారు. లగ్నస్థ గురువు పంచమ, సప్తమ, నవమ స్థానాల మీద దృష్టి పెడ‌తాడు కనుక వివాహానంతరం అదృష్టం వ‌స్తుంది.
 
శుక్రుడు
మకర లగ్నానికి పంచమ, సప్తమ, దశమ స్థానాలకు కారకత్వం వహిస్తాడు. మకర లగ్నానికి శుక్రుడు శుభుడు. మకర లగ్నస్థ శుక్రుడి కారణంగా వ్యక్తి అందం, బుద్ధి కుశలత కలిగి ఉంటాడు. లగ్నస్థ శుక్రుడు వీరిని విలాసవంతులు, స్వార్ధపరులుగా చేస్తుంది. తమ అవసరానికి అనుగుణంగా త‌మ తీరును మార్చుకుంటారు. ఈ జాత‌కులు అవసరార్ధం మిత్రులను కలిగి ఉంటారు. స్త్రీలైన పురుషుల పట్ల, పురుషులైన స్త్రీల పట్ల స‌హ‌జంగానే ఆకర్షితులు అవుతారు. సప్తమ స్థానమైన కటక రాశి మీద శుక్రుడి దృష్టి పడటం వ‌ల్ల వీరి మీద జీవిత భాగస్వామి ప్రేమను అప్యాయతను కలిగి ఉంటారు. జీవిత భాగస్వామి సుఖదుఃఖంలో సహాయ సహకారాలను అందిస్తారు.
 
శని 
మకర లగ్నస్థ శని లగ్నాధిపతి, ద్వితీయ స్థానాలకు ఆధిపత్యం వహించే కారక గ్రహం. దీంతో ఈ జాత‌కుడు భాగ్యశాలి కాగలడు. ఆకర్షణీయమైన శ‌క్తివంత‌మైన శరీరాకృతి కలిగి ఉంటాడు. ఉద్యోగ వ్యాపారాలలో సాఫల్యం లభిస్తుంది. ఆకర్షణీయంగా మాట్లాడ లేరు. ప్రభుత్వ సేవారంగంలో పని చేసే అవకాశాం లభిస్తుంది. తల్లితో చక్కని సంబంధ బాంధవ్యాలు ఉంటాయి. శని తృతీయ, సప్తమ, దశమ దృష్టి కారణంగా జీవిత భాగస్వామికి కష్టాలు ఎదుర‌వుతాయి. వైవాహిక జీవితంలో స‌మ‌స్య‌లు ఎదుర‌య్యే అవ‌కాశం.
 
రాహువు 
మకర లగ్నంలో రాహు స్థితి కారణంగా అనవసర హ‌డావిడి ఎక్కువే. కార్య హాని జరిగే అవ‌కాశాలున్నాయి. అనుకున్న ప‌నులు సాధించడంలో త‌ర‌చూ ఆటంకాలు ఎదుర‌వుతాయి. వ్యాపారంలో ఆసక్తి ఉన్నా ఉద్యోగమే లాభదాయకంగా ఉంటుంది. లగ్నస్థ రాహువు సప్తమ దృష్టి కారణంగా సంసార జీవితంలో జీవిత భాగస్వామి నుంచి, మిత్రుల నుంచి తగిన సహకారం లభించదు.
 
కేతువు
మకర లగ్నంలో ఉన్న కేతువు ఆరోగ్య సమస్యలకు హేతువు. త‌ర‌చూ ఊహించ‌ని స‌మ‌స్య‌లు ఎదుర‌వుతారు. శత్రువుల వల్ల స‌మ‌స్య‌లు ఏర్ప‌డే అవ‌కాశాలున్నాయి. సమాజంలో గౌరవ ప్రతిష్టల కొరకు అనుచిత కార్యముల చేసి అపజయం పాల‌వుతారు. లగ్నస్థ కేతువు స్ర్తీలకు పురుషుల యందు, పురుషులకు స్త్రీల యందు విపరీత ఆకర్షణ కలిగి ఉంటారు. సప్తమ స్థానం మీద కేతు దృష్టి కారణంగా భాగస్వామికి కష్టాలు కలుగుతాయి.

Rahu Dosham Remedies

రాహు దోషం – నివారణోపాయలు

అన్ని గ్రహాలు రవి వలన అస్తంగతులైతే.. రవి చంద్రులను కూడా నిస్తేజులుగా చేయగల చండ ప్రచండుడు రాహువు. అందుకే ఈయన స్తోత్రంలో “చంద్రాదిత్య విమర్ధనం” అని మర్దించే శక్తీ రాహువుకు గలదని చెప్పబడింది. ప్రాణ శక్తీ కారకుడైన సూర్యుని, మనః శక్తీకి కారకుడైన చంద్రుని మర్ధించే శక్తి ఉంది. అందుకే రాహు మహా దశః బాగు లేనివారు పడే పాట్లు వర్ణనాతీతం.

పురాణా శాస్త్రాల ప్రకారం దక్షుని కూతురు సింహికకు కస్యపునికి రాహువు జన్మించాడు. పైటినసగోత్రజుడు పార్ధవా నామ సంవత్సర భద్రా పద పౌర్ణమి  పూర్వభద్రా నక్షత్రామందు జన్మించాడు. మ్లేచ్చ స్వభావం కలిగినవాడు. సూర్యునికి నైరుతి దిశలో శూర్పకార మండలంలో సింహవాహునుడై, కరాళ వక్త్రంతో ఉప విష్ణుడై వుంటాడు.

కొత్త దాన్ని ఆవిష్కరించే స్వభావం రాహువుది. శరీరంలోకి ఫారిన్ మీటర్కానీ, మనుషులకు ఫారిన్ ప్రయాణం కానీ, వ్యక్తులతో పరిచయాలు గానీ, అలవాట్లతో అనుభూతులు కానీ కల్గించేవాడు రాహువు. ఈ గ్రహం గారడీ చేయించే శక్తి కలవాడు. అబద్ధాలు, అల్లకల్లోలాలు, కొత్త అలవాట్లు. కొత్త వేష భాషలు కలిగించడంలో సిద్దహస్త్తుడు. గ్రీకు పురాణ గాధల్లో డ్రాగన్ అనే రాకాసి బల్లి వంటి జంతువు తలగా రాహువును, తోకగా కేతువును ప్రతీకలుగ చిత్రీకరించారు. శని గ్రహం వలే రాహువు కర్మ గ్రహం. పూర్వ జన్మ కర్మల్ని అతి విడ్డురంగా అనుభవింప చేయగలడు. దుర్మార్గ స్వభావం కలవారు. అందలం ఎక్కడానికి సహస కార్యక్రమాలు చేపట్టి వారికీ చేయూత ఇవ్వడానికి రాహువు బాగా సహకరిస్తాడు.

అంతేకాదు రాహు మహా దశలో ఖచ్చితంగా పితృ కర్మలు చేయిస్తాడు. కుటుంబంలో ఇద్దరు ముగ్గురికి రాహు దశఃకానీ, అంతర్ దశః కానీ జరుగుతున్నపుడు తండ్రి, తాత, తల్లి, అమ్మమ్మలో ఒకరికి ఆయువు తీరుతుంది. రాహువుకు యోగాలు కల్గించడం ఉన్నా, అనుభవంలో అవయోగాలు ఎక్కువుగా కల్గిస్తాడు.”రాహు మహా దశః పట్టిందిరా అనేది వాడుక. అల్పుల అందలం ఎక్కుట వల్ల ఏర్పడిందే. ఫారిన్ భాషలు, ఫారిన్ వస్తువులు ఫారిన్ జబ్బులు తెప్పించడంలో రాహువుదే ఆగ్రాతాంబూలం

రాహువు వల్ల ఏర్పడే పరిణామాలు

రాహువు వల్ల పలు పరిణామాలు ఏర్పడతాయి. రాజ్యాధికారం కల్పించుటలో , పదవిచ్యుతుని చేయుటలో రాహువు కారకుడు. వర్ణాంతర వివాహాలు చేసుకోనటలో కూడా ప్రభావం కలవాడు. కుట్రలు, పన్నాగాలు, ఎత్తు గడలు, కులద్రోయుట వంటి నీచ గుణాలు కలిగిస్తాడు. సాంప్రదాయాల సంస్కరణకు, మతబ్రస్థత్వాం పట్టిస్తాడు. తక్కువ స్థితిగల స్త్రీ సాంగత్యానికి పురిగొల్పుతాడు. సంకుచిత ఆలోచనలు కల్గిస్తాడు. వ్యసనపరులుగా, పోకిరిలుగా మార్చి దుష్ట్ట స్నేహాలను కల్గిస్తాడు. నైరుతి దిశలో కలిగే లాభ నష్టాలకు కారకుడు. పీడ కలలు, భయందోళనలు కలిగిస్తాడు. రహస్య స్టావరాల పనులు, రహస్య మంతనాలకు ప్రేరేపిస్తాడు. వన దుర్గ దేవి ఆరాధనతో రాహువు ప్రీతీ చెందుతాడు. ఉర్దూ, పర్షియన్ వంటి విదేశీ భాషలు నేర్చుకోవడానికి కారకుడు అవుతాడు.

రాహువు కలిగించే బాధలు

రాహువు అనేక బాధలు కలిగిస్తాడు. కుటుంబంలో కల్లోలాలు సృష్టిస్తాడు. స్వంత బుద్ధి లోపించి ఇతరుల చెడు సలహాలను పాటించుట, ముర్ఖునిగా ప్రవర్తించుట, అధికార దుర్వినియోగం చేసి అల్లరి పలగుట, ఎలక్ట్రికల్ లేదా ఎలక్ట్రానిక్స్ వస్తువుల వల్ల నష్టాలు, పొలిసు గూడచారి సంస్థల వల్ల బాధ కలుగును. కుటుంబంలో పెద్దవారికీ ఆకస్మిక మరణాలు, పిల్లలు తప్పిపోవుట లేదా ఎత్తుకు పోవుట, కోర్టు వ్యవహారాల్లో చిక్కుకుపోవుట, మిలటరీ సంబంధ, బిల్డింగ్  కాంట్రాక్టు సంబంధ నష్టాలు, పాములు, తేల్లు, గేదెలు, విష జంతువుల వల్ల బాధలు కలిగిస్తాడు. విష గ్యాసులు, ఆమ్లాలు, వాతావరణ కాలుష్యం వల్ల ప్రమాదాలు, న్యూన్యత భావం, ఎక్కడికో పారి పోదామనే మానసిక ప్రవర్తన, జైలు వరకు తీసుకొని వెళ్ళుట చేయిస్తాడు.

చంద్రునితో కలిస్తే  గొప్ప బుద్ధి చాంచల్యం గానీ పిచ్చి కానీ కల్గించవచ్చును. కుజుని తో కలిసి చెడిపోతే ఆకస్మిక ప్రమాదాలు, దెబ్బ లాటలు, గాయాలు కల్గిస్తాడు. రవితో కలిస్తే తప్పకుండా తండ్రితో సత్సంబంధాలు దెబ్బ తీస్తాడు. శని రాహువుల కలయిక త్రీవ్రమైన పరిస్తితిలకు దారి తీయవచ్చును. గురునితో కలిస్తే సద్భావన ఉన్నా, తప్పని పరిస్థితిలలో తప్పులు చేయిస్తాడు. ఎంత రహస్యంగా పనులు చేసినా బహిర్గాతం చేసి పరువు తీయిస్తాడు. రాహువు ఎంత యోగం కల్గించినా, ఎంతో కొంత అప్రదిష్ట చేయకుండా ఉండలేడు.

రాహువు కలిగించే అనారోగ్యాలు

రాహువు వాయుతత్వ కారకుడు కావడం వల్ల మనవ శరీరంలోని సమస్త వాయు  సంబంద రోగాలను కల్గిస్తాడు. నొప్పి ఎక్కడుందో అక్కడ రాహువు ఉంటాడు. కడుపు, నాభి, మర్మాంగాల నొప్పులకు ప్రతీక. ఉచ్చ్వాస నిశ్వాసల్లోని గమన సిలత్వాన్ని కంట్రోలు చేసే శక్తీ రాహువుది. ఉరఃపంజర సంబంధ రోగాలను కలిగిస్తాడు. శుక్ర రాహువుల కలయికతో చర్మ సౌంధర్యాన్ని దెబ్బ తీస్తాడు. సమస్తమైన అంటు వ్యాధులకు రాహువు అధిపతి. టైఫాయిడ్, మలేరియా, మసూచి, ఇన్ ఫ్లూ,అనేక రకాల వైరస్ జ్వరాలకు రాహువు పెట్టింది పేరు. కన్య రాశిలో వుంటే అన్ని రకాల పురుగులను కడుపులో పెంచుతాడు. శరీరంలోని రోగనిరోధక శక్తిని తగ్గించి.. బ్యాక్టిరియాను ఆహ్వానించడంలో రాహువు మొదటి వాడు. రాహువు స్టితి బట్టి పక్షవాతం, కీళ్ళవాతం, నడుము నొప్పి కలుగుతాయి

రాహు గ్రహ నివారణోపాయలు

మానవుని ఇంత ప్రభావం చూపే రాహు గ్రహ నివారణోపాయలు ఇప్పుడు తెలుసుకుందాం. రాహువుకు అధిదేవత పృద్వీ అని కొందరు, గౌ గోవులని కొందరు చెబుతారు. ప్రత్యదిదేవత సర్పములు, అధిప్రత్యది దేవతా సహితంగా పునశ్చరణ చేసి దార పోయుట వలన నివారణ కలుగును. రాహువుకు అధిష్టాన దేవత దుర్గా దేవి సప్తాసతి పారాయణం కానీ మంత్రం జపం కానీ, కవచం కానీ పునఃశ్చరణ చేయుట వలన నివారణ పొందవచ్చును. చిన్నమాస్తాదేవిని విధి విధానంగా పూజించడం వల్ల రాహు గ్రహం దుష్పరిమనాలను నివారించవచ్చును.

రాహు గ్రహ దోష నివారణకు శనివారం నాడు ప్రారంభించి వరుసగా 18 రోజుల పాటు పారుతున్న నీటిలోకి రోజుకోక కొబ్బరికాయ దార పోయుట వల్ల నివారణ కలుగును. పడుకొనే ముందు గదిలో నెమలి పించాన్ని కనపడేటట్లు పెట్టి, తెల్ల వారు జామున లేవగానే చూచుట వల్ల రాహు గ్రహ పీడ నివారణ కలుగును

రాహు దోషం తొలగాలంటే దీపారాధన కూడా చేయాలి. రాహు యంత్రాన్ని పుష్పాలతో అర్చించాలి. నల్ల దుస్తులు ధరించాలి. ఇంకా మినపప్పును దానం చేసి వేప నూనెతో దీపారాధన చేయడం ద్వారా రాహు దోషం తొలగిపోతుందని శాస్త్రం చెబుతోంది.  రాహు భగవానునికి ఏదైనా ఒకరోజు అభిషేకం చేయించాలి. నలుపు వస్త్రాలు, గోమేధికం, బ్లూ లోటస్‌తో పూజ చేయించాలి. రాహు స్తుతి చేసి గరికతో యాగం నిర్వహించి.. మినపప్పు, మినపప్పు పొడి, అన్నం అగ్నికి ఆహుతి ఇవ్వండి. తర్వాత దీపారాధన చేయాలి.